Звароты грамадзян у адрас Міністэрства энергетыкі падаюцца заяўнікамі ў пісьмовай або электроннай форме, а таксама выкладаюцца ў вуснай форме.

Пісьмовыя звароты падаюцца нарачным, па пошце, у ходзе асабістага прыёму, шляхам унясення заўваг ці прапаноў у кнігу заўваг і прапаноў. Пісьмовыя звароты выкладаюцца на беларускай або рускай мове і павінны змяшчаць: прозвішча, уласнае імя, імя па бацьку, або ініцыялы заяўніка; адрас месца жыхарства і месцы працы (вучобы); выклад сутнасці звароту. Не дапускаецца ўжыванне нецэнзурных альбо абразлівых слоў і выразаў.

Спосабы падачы электронных зваротаў: электронныя звароты накіроўваюцца па электроннай пошце e-mail: minenergo@min.energo.by і (або) размяшчаюцца ў спецыяльнай рубрыцы «Электронны зварот» .

Вусныя звароты выкладаюцца ў ходзе асабістага прыёму грамадзян. Папярэдні запіс на асабісты прыём грамадзян да Міністра і яго намеснікам ажыццяўляецца па выніках асабістага звароту або па тэлефоне і спыняецца за два працоўныя дні да пачатку асабістага прыёму грамадзян.

Падача заяўнікамі заяў і прапаноў тэрмінам не абмяжоўваецца. Скаргі могуць быць пададзены заяўнікамі на працягу трох гадоў з дня, калi яны даведалiся або павiнны былi даведацца аб парушэнні іх правоў і (або) законных інтарэсаў. У выпадку, калі трохгадовы тэрмін прапушчаны па ўважлівай прычыне (цяжкае захворванне, інваліднасць, працяглая камандзіроўка і іншае), наяўнасць якой пацверджана адпаведнымі дакументамі, прадстаўленымі заяўнікам, гэты тэрмін падлягае аднаўленню па рашэнні кіраўніцтва міністэрства, і скарга разглядаецца ў парадку, устаноўленым Законам Рэспублікі Беларусь ад 18 лiпеня 2011 г. №300-З «Аб зваротах грамадзян і юрыдычных асобаў».